Kia täze nesil Telluride krossoweriniň ilkinji resmi şekillerini hödürledi. Täze modeliň doly tanyşdyrylyşy 20-nji noýabrda Los-Anjeles awtosergisinde bolar.
Telluride-nyň ikinji nesli has burçly we güýçli görnüşe eýe bolar. Tehniki tarapdan bu modeliň Hyundai Palisade bilen ýakyn bolmagyna garaşylýar.
Kompaniýanyň bellemegine görä, täze Telluride “Opposites United” (“Gapma-garşylygyň bitewüligi”) atly dizaýn filosofiýasynyň çäklerinde döredildi. Daşky görnüş has berk we stilistik taýdan düzüldi: aýna liniýasynyň görnüşi we gara yşyklandyrylan yzky sütünler Range Rover-i ýada salýar, yşyk enjamlary dik görnüşde ýerine ýerleşdirilen, üçegiň üstünde panorama we lyuk bar.
Hereketlendirijiler barada doly maglumatlar entek mälim edilmedi. Ilkinji maglumatlara görä, esasy wariant 3,5 litr kuwwatlykda takmynan 290 at güýji bolan alty silindrli benzinli motordan peýdalanar. Iň güýçli konfigurasiýa bolsa 2,5 litr turbomotory esasynda döredilen, umumy kuwwaty 330 at güýjünden geçýän gibrid ulgam bolar.
Tanyşdyrmak üçin Los-Anjelesiň saýlanmagynyň aýratyn sebäbi bar: Telluride — ilkinji nobatda ABŞ-nyň bazary üçin ýörite ösdürilen Kia modeli bolup, ol Günorta Koreýa brendiniň Demirgazyk Amerikadaky abraýyna uly täsir eden awtoulaglaryň biridir.
