Škoda kompaniýasy geçmişiň meşhur modellerini döwrebap görnüşde görkezýän täze konseptini hödürledi. Bu gezek konserniň dizaýnerleri üçin ylham çeşmesi 1960-njy ýyllaryň ikinji ýarymynda bary-ýogy 2,5 müň nusga bilen çykarylan 1000 MBX kupesi boldy.
Dizaýnerler Antti Sawio we Dewid Stingl bu nusgawy modeli süýşürilýän gapylary bolan sedan görnüşli krossowere öwürdi. Olaryň aýtmagyna görä, konseptiň dostlukly we asuda keşbi sport awtoulagynyň däl-de, nepis we işjeň dynç alyş üçin döredilen ulagyň häsiýetini görkezýär.
Prototipiň daşky görnüşi 1960-njy ýyllara salgylanýar: bu fara dizaýnynda, aýnalaryň aşagyndaky çyzyklaryň şekilinde görünýär. Yzky aýnanyň deregine ulanylyş üçin amatlylygy ýokarlandyrýan panel oturdyldy. Sürüji yzyna kamera arkaly seredýär.
Konseptiň interýeri minimalistik stilde ýerine ýetirildi. Süýrümtik şekilli öň panel aýnadan edildi we onda ähli möhüm maglumatlar görkezilýär. Merkezi konsol ýok, pol bolsa doly tekiz. Yzky oturgyçlaryň ýassyklaryny bagaža ýer boşatmak üçin ýygnap bolýar.
Tehniki maglumatlar entek ýok, ýöne taslamanyň elektromobil hökmünde döredilendigi belli. Konsept klirensi üýtgetmäge mümkinçilik berýän pnewmatik asgyç bilen hem üpjün edildi.
