Mercedes-AMG kompaniýasy Mercedes-AMG brendi bilen goşar sagatlarynyň täze hataryny hödürledi. Olary markanyň resmi dilerlerinden satyn alyp bolýar.
Flagman model, AMG Automatic Chronograph Business hronografynyň bahasy 2500 ýewro barabar. Bu model Şweýsariýanyň SW500 Sellita awtomatik mehanizmi bilen enjamlaşdyryldy, korpusynyň diametri 43,5 mm, suwdan gorag 5 atmosfera çenli. Ol sagatda 48 müň ýarym yrgyldama ýygylygy bilen işleýär. Siferblat ýakut aýnasy bilen goralan bolup, gyzyl öwüşginler we AMG logotipi bilen bezeldi. Topluma titan kemer girýär.
AMG Watch Essentials Chronograph modeli sekundomer funksiýasy bilen Şweýsariýanyň Ronda 5030 kwars kalibrine eýe boldy. Sagat titandan we poslamaýan polatdan ýasaldy, ýakut aýnasy we 5 atmosfera çenli gorag bilen üpjün edildi. Bu modeliň bahasy 795 ýewro.
Kolleksiýany AMG Watch Essentials modeli jemleýär. Bezel gara keramikadan, korpusyň merkezi bölegi bolsa gara poslamaýan polatdan ýasaldy, korpusyň galan bölegi – titandan. Siferblat garaňkyda ýanýar, suwdan gorag beýleki modelleriňki ýaly. Onuň bahasy – 750 ýewro.
