Futbol boýunça Türkmenistanyň çempiony «Arkadag» FK Kataryň «Al-Ahli» topary bilen AFK-2 Çempionlar Ligasyndaky toparlaýyn tapgyryň üçünji oýnunda deňme-deň oýnady. Duşuşyk Dohada «Al-Tumama» stadionynda geçirildi we 2:2 hasabynda tamamlandy.
Duşuşygyň birinji ýarymynda ýer eýeleri öňe saýlandylar: Mateý Mitrowiç 41-nji minutda, Miýel Wlap bolsa 56-njy minutda gol geçirdi.
Şondan soň türkmen topary tutanýerlilik görkezip, ýeňlişden gutuldy. 79-njy minutda Baýram Ataýew, duşuşyga goşmaça berlen birinji minutda bolsa (90+1) Mekan Saparow gol geçirip, hasaby deňledi.
Toparyň beýleki oýnunda Özbegistanyň «Andijan» topary öz meýdanynda Bahreýniň «Al-Haldiýa» topary bilen 0:0 hasabynda deň oýnady.
Üç tapgyrdan soň «B» toparçada ýagdaý şeýle: «Al-Haldiýa» – 5 utuk, «Andijan» we «Al-Ahli» – 3 utuk, «Arkadag» FK – 2 utuk.
