Günorta afrikaly suratçy Wim wan den Hiwer “Salgym şäheriň myhmany” atly suraty üçin “2025-nji ýylyň ýabany tebigat suratçysy” baýragyna mynasyp boldy. Suratda Namibiýadaky göwher gazylan, soň bolsa taşlanan Kolmanskop şäheriniň galyndylarynyň arasynda aýlanyp ýören goňur syrtlan görkezilýär.
Bu iş tebigatyň we adamzadyň taşlap giden şäher giňişlikleriniň täsirli çatrygyny surat arkaly görkezýär.
Bäsleşigiň dürli nominasiýalarynda ýeňijiler şeýle boldy:
Salgym şäheriň myhmany / © Wim wan den Hiwer (Wim van den Heever)
“Portfolio” nominasiýasy: Russiýanyň demirgazyk batgalyklary / © Alekseý Haritonow (Alexey Kharitonov)
“Ummanlar” nominasiýasy: Norwegiýanyň demirgazygyndaky polýar gijesinde balykçy gämisiniň ýanyndaky iým iýişlik / © Odun Rikardsen (Audun Rikardsen)
“Häsiýet: süýdemdirijiler” nominasiýasy: Tanzaniýanyň Serengeti milli seýilgähinde karakal flamingo awlaýar / © Dennis Stogsdill
“Fotožurnalistika” nominasiýasy: Äpet garynjaçy Braziliýada saglygyny dikeldýär / © Fernando Fasiole (Fernando Faciole)
“Dogup barýan ýyldyz” baýragy: Baýguş elf / © Luka Lorens (Luca Lorenz)
“Haýwanlar öz ýaşaýan gurşawynda” nominasiýasy: Murenleriň aw awlaýşy / © Şeýn Gross (Shane Gross)
“Häsiýet: guşlar” nominasiýasy: Hytaýyň Ýundang kölündäki aw pursaty / © Sinžun Ýan (Qingrong Yang)
