Juzeppe Marsoççi Giorgio Armani toparynyň baş müdiri wezipesine bellendi. Onuň bellenilmegi 16-njy oktýabrda geçirilen mejlisde direktorlar geňeşi tarapyndan tassyklandy.
Marsoççi Pantaleo Dell’Orko ýolbaşçylyk edýän direktorlar geňeşine hasabat berer. Kompaniýanyň esaslandyryjysy Jorjio Armani aradan çykmazyndan bir ýarym aý öň, bu barada köpçülige habar bermezden, ony wise-prezident wezipesine belläpdi. Direktorlar geňeşiň başlygynyň orunbasary wezipesine bolsa Silwana Armani – esaslandyryjynyň aýal doganynyň gyzy bellener.
Marsoççi Giorgio Armani toparynda 20 ýyldan gowrak wagt bäri işleýär we moda hem-de kaşaňlyk pudagynda 35 ýyldan köp tejribe toplapdyr. 2019-njy ýyldan bäri ol baş direktoryň orunbasary we global täjirçilik direktory bolup işlän hem-de gös-göni Jorjio Armaniniň ýolbaşçylygynda iş alyp baran. Şeýle hem ol Giorgio Armani Retail Srl kompaniýasyna we modalar öýüniň birnäçe daşary ýurt bölümlerine ýolbaşçylyk edipdir.
61 ýaşly Marsoççi Turinden bolup, Turin uniwersitetiniň Ykdysadyýet we söwda fakultetini tamamlan. Armanä goşulmazdan öň, ol Turinde ýerleşýän GFT toparynda we Fila Sport kompaniýasynda halkara işewürligi ösdürmek ugrunda işleýärdi.
Jorjio Armani 4-nji sentýabrda aradan çykdy. Ol wesýetinde modalar öýüniň 15% paýynyň aradan çykandan soň bir ýarym ýylyň dowamynda satylmagyny, soň bolsa alyja goşmaça 30–55% paýyň berilmegini görkezdi. Eger-de paýy satyp bolmasa, kompaniýanyň paýnamalary biržada ýerleşdiriler.
