Ford amerikan awtoöndürijisi ABŞ-da tas 625 müň ulagyň yzyna gaýtarylýandygyny habar berdi. Munuň sebäbi howpsuzlyk kemeriniň we yzyny görkezýän kameranyň monitorynyň işindäki näsazlyk boldy diýip, ABŞ-nyň Ýol hereketiniň howpsuzlygy boýunça milli edarasyna (NHTSA) salgylanyp, Reuters habar berýär.
Şeýlelikde, howpsuzlyk kemerinde ýüze çykarylan nogsanlyklar bilen 322 müňden gowrak Mustang awtomobili hem-de yzyny görkezýän kamerasynyň displeýinde näsazlyklar bolan tas 292 müň F-250, F-350 we F-450 pikaplary yzyna ýygnalar.
Ford dilerleri Mustang awtomobillerinde howpsuzlyk kemerlerini barlap, zerur bolan ýagdaýynda olary çalşar. F seriýanyň pikaplarynda yzyny görkezýän kameranyň işindäki näsazlygy düzetmek üçin şekilleri gaýtadan işlemek modulynyň programma üpjünçiligi mugt täzelener.
Ozal Ford ABŞ-da, 115,5 müň F-250, F-350 we F-450 pikaplaryny yzyna gaýtarypdy. Bu awtoulaglar 2020-2021-nji ýyllarda çykan bolup, rul dolandyryş ulgamynda kemçilik bardy. Mesele rul kolonkasynda ýokarky okuň ýerinden çykmagyna we awtomobil dolandyryşynda heläkçilige sebäp bolup bilerdi.
