Realme kompaniýasy 15 Pro smartfonynyň “Tagtlaryň oýny” serialyna bagyşlanan aýratyn wersiýasyny çykardy. Ol üýtgeşik dizaýny, tematik gaplamasy we goşmaça aksessuarlar bilen tapawutlanýar. Smartfondan jemi 5000 nusga çykarylar.
Smartfonyň yzky paneli Targarienleriň nyşany bilen gara wegan derisinden ýasaldy. 44 gradusdan ýokary temperaturada ol reňkini garadan goýy gyzyla üýtgedýär.
Kameralar altyn öwüşginler we serialdan dürli öýleriň nyşanlary bilen bezeldi.
Smartfon kitap ýaly açylýan agaç gutuda satylýar. Onuň içinde Demir tagt görnüşinde kiçijik telefon goýulýan hem bar.
Şeýle-de, topluma silikon daşlyk, ýelmentgiler, otkrytkalar, ýagtylyk düşende görünýän hat we “Patyşanyň eli” temençesiniň şekilinde SIM-karty çykarmak üçin açar girýär.
Telefonyň interfeýsi doly seriala görä sazlandy: tematiki oboýlar, nyşanjyklar hem-de “Patyşalyk Gawany” we “Winterfell” kamera süzgüçleri bar. AI Party Mode funksiýasy we AI Edit Genie redaktory suratlary ses buýruklarynyň kömegi bilen redaktirlemäge mümkinçilik berýär: suratyň hilini ýokarlandyrmak, kadryň mazmunyny, reňk temperaturasyny üýtgetmek, suratdaky obýektleri bozmak, goşmak ýa-da göçürmek bolýar. Smartfon rus dilini goldaýar.
Realme 15 Pro Game of Thrones Limited Edition 12 GB operatiw we 512 GB içki ýada eýe boldy. Smartfon 7000 mA/sag akkumulýator, optiki durnuklaşdyrma bilen 50 Mp Sony IMX896 kamerasy we Snapdragon 7 Gen 4 prosessory bilen üpjün edildi.
Şeýle smartfonyň bahasy ₹44 999 (takmynan, $510). Ony eýýäm häzir Realme-niň resmi saýtynda satyn alyp bolýar.
