Filippinleriň kenarynda anna gününe geçilen gije güýçli ýertitreme bolup geçdi. Onuň ululygy 7,6 bal boldy diýip, Filippinleriň wulkanologiýa we seýsmologiýa instituty (Pholvolcs) habar berdi.
Ýertitremäniň ojagy Dawao portundan, takmynan, 144 km uzaklykda, deňiz düýbünden 58 km töweregi çuňlukda ýerleşýär.
ABŞ-nyň Milli umman we atmosfera gözlegleri edarasy (NOAA) ýertitremäniň merkezinden 300 km radiusda sunami howpuny yglan etdi. Filippinleriň käbir kenarýaka sebitlerinde birden üç metre çenli beýiklikde tolkunlaryň bolmagyna garaşylýar.
Pholvolcs-yň maglumatlaryna görä, esasy sarsgyndan tiz wagtdan soň 5,2 we 4,9 bal ululykda hem ýertitremeler boldy. Ýewropa-Ortaýer deňziniň seýsmologiýa merkezi hem Mindanao adasynyň töwereginde 5,9 bal ululykda ýerasty sarsgynlaryny hasaba aldy.
Bolup biljek weýrançylyklar we zyýan çekenler barada takyk maglumat ýok.
