Mercedes-Benz ilkinji modeli çykandan bäş ýyl soň, täze Wireless Headphone 2 atly simsiz nauşniklerini çykarmaga taýynlanýar. Gizmochina portalynyň habar bermegine görä, MB WHP 2 model belgili enjam ýakynda BAE-de TDRA sertifikatyny aldy.
Täze nauşnikler 2020-nji ýylda çykarylan ilkinji modeliň mirasdüşeri bolar. Birinji nesil Bluetooth 5.0 tehnologiýasyny, 3,5 mm-lik simli birikme rozetkasyny, sensor dolandyryşy, gurlan mikrofony we 3D ses goldawyny hödürläpdi. Ol bir zarýadda 18 sagada çenli işläp bilýärdi.
Täzelenen wersiýada gowulaşan dinamika, işjeň galmagal basyjy (Active Noise Cancellation) we beýleki häzirki zaman mümkinçilikleriniň bolmagyna garaşylýar. Şeýle-de bolsa, enjamyň jikme-jik häsiýetnamalary entek resmi taýdan açylmady.
