Blue Origin kompaniýasy NS-36 missiýasynyň çäklerinde ekipažly New Shepard raketasynyň uçuş senesini 8-nji oktýabra belledi. Uçuş Günbatar Tehasdaky Launch Site One meýdançasyndan amala aşyrylar.
Uçuş penjiresi ABŞ-nyň merkezi wagty bilen 8:00-da (Aşgabat wagty bilen 18:00) açylar. Oňa uçuşdan ýarym sagat öň kompaniýanyň resmi saýtynda göni ýaýlymda tomaşa etmek bolar.
New Shepard programmasy üçin bu 15-nji dolandyrylýan uçuş bolar. Bortda alty adam bolup, olardan bäşisi öňki missiýalara gatnaşdy, ekipaž agzalarynyň biriniň ady bolsa uçuş güni mälim ediler.
Uçuş 10-12 minut töweregi wagt alar. Ekipaž agramsyzlyk ýagdaýynda birnäçe minut bolup, kapsulanyň uly illýuminatorlary arkaly Ýeri kosmosdan görer.
