Özbegistanyň futbol assosiasiýasy Fabio Kannawaronyň milli ýygyndynyň baş tälimçisi wezipesine bellenendigini habar berdi. Italiýaly hünärmen bilen şertnamanyň möhleti aýdylmaýar.
Kannawaro bu wezipede topary taryhy üstünlige – ABŞ-da, Kanadada, Meksikada geçiriljek 2026-njy ýylyň dünýä çempionatynyň ahyrky tapgyryna elten Timur Kapadzeni çalyşdy.
Kannawaronyň tälimçiler ştabyna baş tälimçiniň kömekçisi Euženio Albarella, fiziki taýýarlyk boýunça tälimçi Troize Françesko we derwezebanlaryň tälimçisi Antonio Kimenti girdi.
52 ýaşly Kannawaro Italiýanyň “Udineze” we “Benewento” toparlaryna, saud “Al-Nasryna” we Hytaýyň “Guanžou” we “Týanszin” klublaryna tälimçilik etdi. Onuň soňky iş ýeri Zagrebiň “Dinamosy” boldy.
Oýunçy hökmünde Kannawaro 2006-njy ýylda Italiýanyň milli ýygyndysynyň düzüminde dünýä çempiony boldy we France Football tarapyndan ýylyň iň gowy futbolçysy hökmünde “Altyn topy” aldy.
