Ford kompaniýasy Hytaýda Basecamp atly Bronco krossoweriniň täze wersiýasy üçin sargytlary kabul edip başlady. Model ýerli bazar üçin ýörite döredildi we syýahaty söýüjiler üçin niýetlenýär diýip, Carscoops ýazýar.
Wersiýanyň esasy aýratynlygy 360 mm ýokary galyp, giňişligi ulaldýan aýna üçek boldy. Öňdäki oturgyçlary bir düwmäniň kömegi bilen ýatyryp bolýar, ikinji hatar ýygnalanda bolsa salon giň ýatylýan ýere öwrülýär. Rahatlyk üçin firma düşekçesi-de göz öňünde tutuldy.
Bagaž ýeriniň gapysynyň içki tarapynda Ford tarapyndan “dag aşhanasy” diýlip atlandyrylýan modul oturdyldy: ol açylyp-ýygnalýan stoldan, pyçak we aşhana enjamlary üçin magnit saklaýjydan, birnäçe bulgur saklaýjysyndan we çüýşe açgyjyndan ybarat.
Deslapky sargytda 140 dollar möçberde töleg edýän alyjylar Basecamp toplumyny mugt alar. Onuň adaty bahasy, takmynan, 1685 dollara barabar. Ulagyň özi 42 – 56 müň dollar aralygynda hödürlenýär.
Hytaý Bronco-sy Jiangling Ford kärhanasy bilen bilelikde döredildi we global wersiýadan ep-esli tapawutlanýar.
