Samsung eýýäm geljek hepdelerde Android XR operasion ulgamynyň esasynda özüniň ilkinji garyşyk hakykat şlemini hödürlemäge taýýarlanýar. Project Moohan şertli atly gurluş 22-nji oktýabrda görkezilip bilner diýip, 9to5Google habar berýär.
Garnituranyň aýratynlyklary we takyk agramy entek belli däl, ýöne Samsung Electronics-iň wekilleri enjamyň esasy artykmaçlyklarynyň arasynda – ýeňildigini, dakmak üçin rahatdygyny we garnitura bilen işlemegi ýönekeýleşdirjek ses dolandyryşynyň bolmagyny belleýär.
MR gurluşy bir hepde ir hem görkezilip bilner, deslapky sargytlaryň bolsa 15-nji oktýabda açylmagy mümkin. Täze enjamyň bahasy, habar berlişi ýaly, Apple-iň garniturasyndan arzan – 1800 dollar töweregi bolar. Deňeşdirmek üçin, geçen ýylky Apple Vision Pro-nyň bahasy 3500 dollardy, agramy bolsa, takmynan, 600 gramdy. Ol 2024-nji ýylyň dördünji çärýeginde wirtual hakykat enjamlarynyň dünýä bazarynyň bary-ýogy 2%-ini eýeläp, ulanyjylaryň arasynda üstünlik gazanyp bilmedi.
