“Mersedes” toparynyň britaniýaly ýaryşa gatnaşyjysy Jorj Rassell “Formula-1” dünýä çempionatynyň 18-nji tapgyry bolan Singapuryň Gran-prisiniň ýeňijisi boldy. Ýaryş şäher ýolunda geçirildi.
Rassell üçin bu ýeňiş häzirki möwsümde ikinji we karýerasynda bäşinji boldy. Ikinji orny “Red Bull-dan” häzirki dünýä çempiony, niderlandly Maks Werstappen eýeledi, üçünji bolup pellehana “Maklarenden” britaniýaly Lando Norris geldi.
Norrisiň topardaşy we möwsümiň öňdebaryjysy Oskar Piastri ýaryşy dördünji orunda tamamlady. Toparyň iki sürüjisiniň görkezen netijeleri bilen “Maklaren” topary möhletinden ir Konstruktorlaryň kubogyny gazandy.
Iň gowularyň ilkinji onlugyna şular hem girdi: 5. Andrea Kimi Antonelli (Italiýa, “Mersedes”), 6. Şarl Lekler (Monako, “Ferrari”), 7. Lýuis Hemilton (Beýik Britaniýa, “Ferrari”), 8. Fernando Alonso (Ispaniýa, “Aston Martin”), 9. Oliwer Berman (Beýik Britaniýa, “Haas”), 10. Karlos Saýns (Ispaniýa, “Uilýams”).
Çempionatyň indiki tapgyry – ABŞ-nyň Gran-prisi 17-nji oktýabrdan 19-njy oktýabr aralygynda Ostinde geçiriler.
