Toyota ABŞ-da 400 müň töweregi ulagyň yzyna çagyrylandygyny habar berdi. Yza çagyryş kampaniýasy Tundra pikaplaryna we olaryň gibrid görnüşlerine, 2023–2025-nji model ýyllarynda çykarylan Sequoia ulaglaryna, şeýle hem takmynan 6 müň sany Tacoma 2025 pikaplaryna degişli. Yza çagyryş mehaniki we programma näsazlyklary bilen baglanyşykly.
Tacoma-da öňdäki hereketlendiriji bogunlaryň materialynda kemçilik tapyldy. Ähli tekerleri hereketli modellerde tizlik geçiriji “duralga” geçirilenden soň hem ulagyň hereket etmegine sebäp bolup biler. Toyota bu modeliň ähli ulaglaryny barlar we zerur bolsa bölekleri mugt çalşar.
Tundra pikaplarynda we Sequoia wnedorožniklerinde 14 dýuýmlyk ekranly multimediýa ulgamynda programma üpjünçiliginiň ýalňyşlygy ýüze çykaryldy. Ýalňyşlyk şekili ýoýup ýa-da ekrany öçürip biler, bu yzky kamerany ulanmagy kynlaşdyrar we heläkçilik howpuny ýokarlandyryp biler.
Öndüriji programma üpjünçiligini öz hasabyna täzelejekdigini habar berdi. Awtoulag eýelerine hyzmat kampaniýasyny geçmek üçin dilerlerine ýüz tutmak maslahat berilýär.
