5-nji oktýabrda Las-Wegasda (ABŞ) T-Mobile Arenasynda UFC 320 ýaryşy geçirildi. Agşamyň esasy wakasy ýarym agyr agram derejesindäki çempionlyk guşagy ugrunda russiýaly Magomed Ankalaýew bilen Braziliýadan öňki çempion Aleks Pereýranyň arasyndaky rewanş duşuşygy boldy.
Tutluşyk bary-ýogy birnäçe sekunt dowam etdi. Pereýra jaýdar urgusy bilen Ankalaýewi çalaja seňseletdi, kanwasda bolsa urgularyny dowam edip ýeňdi. Emin Hýorb Din söweşi togtadyp, braziliýaly türgeniň tehniki nokaut bilen ýeňendigini tassyklady. Şeýlelikde, Pereýra UFC-niň çempion guşagyny gaýtaryp aldy.
Ankalaýew üçin bu ýeňliş onuň professional karýerasyndaky ikinji ýeňlişi boldy. Häzirki wagtda onuň hasabynda 21 ýeňiş, 1 ýeňliş, 1 deňme-deň we 1 netijesiz söweş bar.
Pereýra bolsa karýerasynda 13-nji ýeňşini gazandy, onuň hasabynda 3 ýeňliş bar.
