Halkara futbol federasiýasy (FIFA) öz saýtynda ABŞ-da, Kanadada we Meksikada geçiriljek 2026-njy ýylyň dünýä çempionatynyň resmi topuny görkezdi.
Ýaryş ilkinji gezek birbada üç ýurduň çäginde geçer we indiki ýylyň 11-nji iýunyndan 19-njy iýulyna çenli dowam eder.
Topuň dizaýny ýaryşyň ýer eýelerine hormat goýmak bilen, gyzyl-ýaşyl-gök reňklerde ýerine ýetirildi. Topda ýurtlaryň her birinden nyşan bar: kerkaw ýapragy – Kanada, bürgüt – Meksika, ýyldyz – ABŞ. Topa Trionda diýlip at berildi, bu ispan dilinden “üç tolkun” diýmegi aňladýar we çempionatyň üç guramaçysyny alamatlandyrýar.
Top 500 Gs ýygylykda işleýän çipli datçik bilen üpjün edildi, ol her bir hereketi yzarlamaga mümkinçilik berýär. Bu tehnologiýa takyk maglumatlary hakyky wagtda VAR ulgamyna geçirýär.
“Men bu ajaýyp topuň derweze toruna girmegine sabyrsyzlyk bilen garaşýaryn. Dünýä çempionaty üçin wagt hasaby ýöräp başlady” – FIFA-nyň prezidenti Janni Infantino belledi.
