2025-nji ýylda Rolls-Royce öz Phantom flagman modeliniň 100 ýyllygyny baýram edýär. Şu mynasybetli kompaniýa eýýäm markanyň taryhynda iň kaşaň diýlip atlandyrylýan üýtgeşik interýer bilen bary-ýogy 25 awtomobil çykarar.
Täze seriýanyň esasy aýratynlygy salonda seýrek gara agaç Blackwood-yň ulanylmagydyr. Agaç panellerde ussatlar elde Phantom-yň taryhyny çekdi: kartalar, ugurlar we synag modelleriniň silueti. Munuň üçin awtomobil pudagynda ilkinji gezek birbada üç tehnologiýa – 3D haşamlama, göwrümli syýa bilen çap ediş we 24 karat altyndan çaýylan gyzyl ulanyldy.
Her bir panel elde döredildi, dürli çuňlukdaky şekiller lazer bilen kesip ýasaldy, 3D syýanyň kömegi bilen ýokary galdyrylan elementler bolsa şekillere göwrüm goşdy. Ýol çyzyklary altyn bilen tapawutlandyryldy.
Ýubileý modeli tehniki taýdan adaty V12-ni saklap galýar, ýöne esasy üns salony bezemek sungatyna gönükdirildi. Ulagyň haçan çykjakdygy barada kompaniýa entek maglumat bermedi.
