Samsung kompaniýasy uly bildiriş etmezden käbir ýurtlarda Galaxy M07 smartfonynyň satuwyna başlady. Aýratynlyklary boýunça ol öň çykan Galaxy A07 4G-ni doly diýen ýaly gaýtalaýar.
Täze smartfon durulygy 1600×720 piksel we täzelenme ýygylygy 90 Gs bolan suwuk kristal ekranyna eýe boldy. 8 Mp frontal kamera ykjam görnüşde ýerleşdirildi. Yzda iki kamera oturdyldy: awtofokus bilen 50 Mp esasy we 2 Mp çuňluk datçigi.
Smartfon sekiz ýadroly MediaTek Helio G99 prosessorynda işleýär. 4 ýa-da 6 GB operatiw ýatly we 64 ýa-da 128 GB hemişelik ýatly wersiýalar elýeterlidir. microSD üçin ýer hem bar.
Galaxy M07 25 Wt çenli çalt zarýad goldawy bilen 5000 mA/sag akkumulýatora eýe boldy. Korpus IP54 ülňüsi boýunça suwdan we tozandan goragly, nauşnik üçin ýer we barmak yzynyň gapdal skaneri bar. Smartfonyň ölçegi – 164,4×77,4×7,6 mm, agramy 184 g.
Model çal, ýiti benewşe we goýy ýaşyl reňklerde hödürlenýär.
Samsung alty ýyllyk ulgam we howpsuzlyk täzelenmelerini wada berýär.
Arzan smartfonyň başlangyç bahasy – 80 dollar töweregi.
