Aziýanyň Futbol Konfederasiýasy 2027-nji ýylyň Aziýa Kubogy üçin saýlama tapgyrynda milli ýygyndylaryň öý duşuşyklarynyň geçiriljek ýerlerini tassyklady. Türkmenistanyň milli ýygyndysy iki öý duşuşygyny Arkadag şäherindäki täze stadionda geçirer.
Saýlama tapgyrynyň üçünji duşuşygynda Türkmenistanyň milli ýygyndysy Şri-Lanka bilen myhmançylykda duşuşar. Oýun 9-njy oktýabrda Kolomboda geçiriler we Aşgabat wagty bilen 15:45-de başlar.
Şol ýygyndy bilen jogap duşuşygy 14-nji oktýabrda “Arkadag” stadionynda geçiriler. Bu duşuşyk milli ýygyndynyň täze meýdançadaky ilkinji oýny bolar. Oýun 18:45-de başlanar.
Türkmenistanyň ýygyndysy ýene bir öý duşuşygyny 18-nji noýabrda Arkadagda Taýwanyň (Hytaý Taipei) ýygyndysyna garşy geçirer. Bu duşuşyk hem 18:45-de başlar.
Toparda iň soňky duşuşygy Türkmenistanyň ýygyndysy 2026-njy ýylyň 31-nji martynda Tailandda myhmançylykda geçirer.
Saýlama tapgyrynyň iň soňky öý duşuşygy 10-njy iýunda Aşgabatda bolup geçipdi. Şol duşuşykda Türkmenistanyň milli ýygyndysy Tailandyň ýygyndysyny 3:1 hasabynda ýeňdi.
