YouTube wideo hyzmaty Premium eýeleri üçin täze mümkinçilikleri hödürledi. Ozal wideonyň tizligini iki esse artdyryp bolýan bolsa, indi ulanyjylar ony 0,05 ädim bilen 4 essä çenli sazlap bilýär. Bu funksiýa eýýäm diňe bir Android we iOS-da däl, eýsem hyzmatyň web-wersiýasynda hem elýeterlidir.
Şeýle-de, sesiň hili kämilleşdirildi. Ozal ony diňe YouTube Music-de ýa-da esasy programmanyň synag režiminde eşidip bolýardy. Indi ýokary hilli ses Android we iOS-da Premium ulanyjylaryň aglabasy üçin hem elýeterli boldy. Dogrusy, ol diňe resmi aýdym-saz wideolary we albom daşlyklary üçin işleýär.
Wideonyň esasy ýerine geçmäge mümkinçilik berýän Jump Ahead funksiýasy indi diňe smartfonlarda we brauzerde däl, eýsem smart telewizorlarda we oýun pristawkalarynda hem elýeterlidir.
Şeýle-de, Premium eýeleri “suratda surat” funksiýasyna doly elýeterlilik aldy. Öň ol diňe Android-de we iOS-da synag görnüşinde işleýärdi.
Mundan başga-da, YouTube Labs programmasyny işe girizdi. Onuň çäklerinde Premium ulanyjylar ilkinji bolup platformanyň täze funksiýalaryny, şol sanda emeli aňa esaslanýan gurallary synap biler.
