FIFA 11 metrlik jerime urgusynyň düzgünlerine üýtgetmeleri girizmegi meýilleşdirýär, bu tassyklanan halatynda indiki möwsümde güýje girer diýip, Bild neşiri habar berýär.
Teklip edilen üýtgeşmelere görä, eger derwezeban jerime urgusyny “nokatdan” yzyna serpikdirse, topuň nirä gaýtjakdygyna garamazdan, topy derwezäniň agzyndan urmak bellener. Topuň ştanga urlan halatlarynyň nähili çözüljekdigi entek belli däl.
Bu düzgüniň güýje girmegi üçin, ony futboluň resmi düzgünlerini üýtgetmäge hukugy bolan Halkara Futbol Assosiasiýasy Geňeşiniň (IFAB) tassyklamagy gerek. Düzedişler ýyllyk ýygnakda tassyklansa, ol umumy kabul edilmezden ozal amaly synag tapgyryndan geçer.
