Sloweniýaly welosipedçi Tadeý Pogaçar Ruandada geçirilen welosiped sürmek boýunça dünýä çempionatynda toparlaýyn ýaryşynda ýeňiş gazanyp, dünýäniň iň güýçli türgenleriniň biri adyny tassyklady. Bu onuň dünýä çempionatynda bu aralyk boýunça yzly-yzyna ikinji ýeňşidir.
Belgiýaly Remko Ewenepul Pogaçardan 1 minut 28 sekunt yzda galyp, kümüş medal gazandy. Irlandiýaly Ben Hili üçünji orny eýeledi (2 minut 16 sekunt yzda).
Ýaryşa goşulan 165 türgeniň diňe 30-sy pellehana gelmegi başardy.
Kanadaly Magdalen Walýer Ruandanyň Kigali şäherinde 164,6 km-lik ýolda toparlaýyn welosiped sürmek boýunça dünýä çempionatynda ýeňiji boldy.
Pogaçar dört gezek Tur de Fransyň, Jiro d’Italiýanyň ýeňijisi we 2020-nji ýylda geçirilen Olimpiýa oýunlarynda toparlaýyn ýaryşda bürünç medal gazandy. 2019-njy ýyldan başlap, “UAE Team Emirates” Dünýä turynyň toparynyň düzüminde bäsleşýär.
