Ispaniýanyň “Inter Maýami” futbol klubunyň ýarym goragçysy Serhio Buskets sosial ulgamda, şu möwsümden soňra professional futbolçy karýerasyny tamamlaýandygyny yglan etdi.
«Indi professional futbolçy karýeram hoşlaşmaly wagt geldi. 20 ýyldan gowrak wagtlap diňe arzuw edip boljak täsin bir taryhy başdan geçirdim. Futbol maňa aýratyn tejribe berdi» diýip, Buskets ýazdy. Ol ähli topardaşlaryna, tälimçilerine, janköýerlerine we maşgalasyna minnetdarlyk bildirdi we bu sahypany «örän begençli, kanagatlanma bilen we minnetdar ýagdaýda» ýapýandygyny belledi.
38 ýaşly Buskets “Barselona” toparynyň mekdebinden çykyp, 2008–2023 ýyllar aralygynda şol klubda çykyş etdi. Ol katalon toparynyň düzüminde 32 kubok gazandy, şol sanda üç gezek Çempionlar ligasynyň ýeňijisi boldy.
Ispaniýanyň milli ýygyndysynyň düzüminde Buskets 2010-njy ýylda dünýä çempiony, 2012-nji ýylda bolsa Ýewropa çempiony boldy we ispan futbolynyň altyn döwrüniň esasy oýunçylarynyň biri hökmünde tanaldy.
