Hytaý ýere we suwa çuň aralaşyp biljek dünýäde iň güýçli georadary ulanyp başlady. Ilkibaşda Wireless Electromagnetic Method (WEM) ulgamy suwasty gämiler bilen aragatnaşygy saklamak üçin döredildi, ýöne bäş ýyl ozal ol geologiki gözlegler üçin ulanylyp başlandy diýip, South China Morning Post habar berýär.
Radaryň kömegi bilen eýýäm 490 mln tonnalyk altynyň we litiý magdanlarynyň uly ýataklary tapyldy. Desga merkezi Hytaýda 80 we 120 km uzynlykdaky iki perpendikulýar antennadan ybarat bolup, onuň meýdany Nýu-Ýorkdan hem uludyr. Elektrik geçirijisiniň kuwwaty 500 kWt, iş ýygylygy 0,1 Gs-den 300 Gs-e ýetýär, bu hem signala ýeriň üstünden has çuňluga aralaşmaga mümkinçilik berýär.
Tehnologiýa signalyň polýarizasiýasyny we geçirijilik ölçeglerini maglumat seljermesi hem-de emeli aň bilen utgaşdyrýar. Bu hem tehnologiýa hatda “sesli” ýerlerde, mysal üçin, elektrik geçiriji liniýalaryň ýanynda işlemäge mümkinçilik berýär.
Şeýle ulgamyň kömegi bilen Hytaý 500 metrden başlap, 3 kilometre çenli çuňluklary öwrenip biler. Bilermenler munuň ýurda senagat we energetika üçin strategiki taýdan möhüm baýlyklara elýeterli bolmaga mümkinçilik berjekdigini belleýär.
