Hytaýyň Şandun welaýatynyň Sindao şäheriniň Sýunan etrabynda dünýäde iň çalt awtomatlaşdyrylan otly görkezildi. Ol sagatda 200 km-e çenli tizlikde hereket edip bilýär.
Otly GoA4 (Grade of Automation 4) derejesindäki dolandyryş ulgamy bilen enjamlaşdyrylan bolup, doly sürüjisiz işläp bilýär. Şol bir wagtyň özünde maşinistiň kabinasy saklanyp galdy. Ulgamyň «beýnisi» maglumatlary ýygnap, seljerýär we özbaşdak çözgüt kabul edýär, näsazlyk töwekgelçiligini 95% -den gowrak azaltmaga mümkinçilik berýär.
Howpsuzlyk aýratynlyklary:
- Otluda 2900-den gowrak datçik bar, olar tizlik ulgamynyň, hereketlendiriji enjamyň we tormozlarynyň ýagdaýyny häzirki wagtda yzarlap durýar.
- Sanly ekiz (digital twin) we emeli aň ulgamy näsazlyklaryň öňüni görmäge hem-de hyzmatlary öňünden meýilleşdirmäge mümkinçilik berýär.
- Urga garşy täze elementleri we köp nokatly energiýa siňdiriji gurluşlar arkaly passiw howpsuzlyk güýçlendirildi.
Tehniki we ykdysady artykmaçlyklar:
- Otlynyň aerodinamikasy gowulandyrylyp, howa garşylygy azaldy.
- 200-den gowrak ätiýaçlyk şaýynyň unifikasiýasy hem-de akylly diagnoz ulgamy işletme çykdajylaryny ep-esli azaldýar.
Täze otly «Pekin–Sýunan ekspress» ugrunda hyzmat eder:
- Sýunany Pekin Daşin halkara howa menzili bilen bary-ýogy 30 minutda,
- Pekiniň işewürler merkezi Lizýe bilen bolsa 60 minutda baglanyşdyrar.
Bu taslama Sýunan sebitiniň ösüşine we paýtagtyň töwereginde bir sagatlyk ulag halkasynyň kemala gelmegine möhüm ädim bolar.
