Ýaponiýanyň Toyota kompaniýasy enjam panelindäki bolup biljek näsazlyk sebäpli ABŞ-da 591 377 awtomobiliň yzyna gaýtarylýandygyny habar berdi. Kemçilik sebäpli sürüjiler tizlik, teker başyşy, tormoz ulgamynyň işi we beýleki görkezijiler ýaly möhüm maglumatlary görmän biler.
ABŞ-nyň Milli ýol hereketiniň howpsuzlygy edarasynyň maglumatlaryna görä, yzyna gaýtaryş kampaniýasy şu aşakdaky modellere degişlidir:
- 2023-2024-nji ýyllarda çykan: Toyota Venza, RAV4 we RAV4 Prime, Highlander, GR Corolla, Crown;
- 2024-2025-nji ýyllarda çykan: Toyota Tacoma, Grand Highlander, Lexus TX we LS
- 2025-nji ýylda çykan: Toyota Crown Signia, Camry, RAV4 Plug-In Hybrid, 4Runner, Lexus RX
Toyota 27-nji oktýabra çenli awtomobil eýelerine habarnama ýollap başlamagy meýilleşdirýär. Näsazlyklary düzetmek boýunça ähli işler, şol sanda programma üpjünçiligini täzelemek ýa-da enjam panelini çalyşmak işi mugt ýerine ýetiriler.
