Jastin Biber 11 – 18-nji aprelde geçiriljek Coachella 2026 festiwalynda iki çykyşy üçin 10 mln dollardan gowrak girdeji gazanar diýip, Rolling Stone habar berýär.
Insaýderleriň maglumatlaryna görä, sazanda gönüden-göni festiwalyň guramaçylary bilen gepleşik geçirdi. Neşir munuň “hedlaýner üçin öwrülişikli pursatdygyny – artistiň karýerasynda täze eýýamyň başlangyjydygyny” belleýär.
Coachella festiwalyndaky çykyş Biber üçin 2022-nji ýyldaky “Justice World Tour” konsert syýahatyndan bäri ABŞ-da ilkinji konsert bolar. Ýakynda aýdymçy iki sany täze albom çykardy: “Swag” we “Swag II”.
Biberden başga-da, festiwalda Sabrina Karpenter, Karol G, The XX, Nine Inch Nails, Disclose, Turnstile, Ethel Cain, Katseye, The Strokes, Eddison Reý, Labrinth, Dewid Birn, Interpol we beýleki artistler çykyş eder.
Deňeşdirmek üçin, 2025-nji ýylda festiwalyň hedlaýnerleri Ledi Gaga, Green Day we Post Malone boldy. Çykyş edenleriň arasynda Charli XCX, Trewis Skott, Tyla, Megan Thee Stallion, Sem Fender, Ed Şiran, Misfits, Benson Boone, Japanese Breakfast, The Prodigy hem bardy. Blackpink toparynyň agzalary Jenni we Lisa hem aýratynlykda çykyş etdi.
