Valve kompaniýasy Counter-Strike 2 üçin uly täzelenme çykardy. Esasy üýtgeşme ýaraglar üçin 17 sany täze wizual görnüşleri öz içine alýan Genesis kolleksiýasy boldy. Olary adaty keýslerden tapawutlanýan täze Genesis Uplink Terminal ulgamy arkaly almak bolýar.
Oýunçylara satyn almagyň bäş görnüşi teklip edilýär. Eger häzirki teklipden ýüz öwrülse, ol hemişelik ýapylýar. Satyn alnan predmetlerde gaýtadan satylandan soň ýitýän “Ilkibaşdaky eýesiniň şahadatnamasy” belligi peýda bolýar.
Täzelenme sese-de täsir etdi: her granat üçin – ony çykarmak, gözden geçirmek, çöpüni çekmek we zyňmak üçin aýratyn sesler ýazyldy.
Interfeýsiň täze funksiýalary hem peýda boldy. Indi syn etmek režiminde timmeýtleriň ulanýan ýaraglaryny görmek, şeýle-de predmetleri ýakynlaşdyryp, ýerini üýtgetmek bolýar.
Mundan başga-da, işläp düzüjiler JavaScript-iň esasynda skriptler bilen işlemek üçin cs_script ulgamyny girizdi. Mysal hökmünde script_zoo.vmap kartasy goşuldy. Atyş mehanikasy hem kämilleşdirildi. Ol subtick ulgamyna laýyklykda has takyk boldy.
