12-13-nji sentýabrda Watikanda dünýäniň ähli ýerinden akyldarlaryň, şol sanda Nobel baýragynyň eýeleriniň gatnaşmagynda “adamzat doganlygy” sammiti geçirildi. Sammit gutarandan soň Keramatly Pýotryň meýdanynda Watikanyň taryhynda ilkinji Grace for the World pop-konserti geçirildi.
Konsertiň hedlaýneri we guramaçylaryň biri Farrell Uilýams boldy, ol özüniň meşhur Happy aýdymyny ýerine ýetirdi. Konsert Disney+, Hulu we ABC News Live ýaýlymlarynda göni ýaýlymda görkezildi. Konsertde Jon Lejend, italýan tenory Andrea Boçelli, Teddi Swims, Karol G, Got7, Jennifer Hadson, Jelli Roll we hip-hop dueti Clipse (No Malice we Pusha T) hem çykyş etdi.
Şüweleň wagty 3500 sany yşyk drony ulanyldy, olar asmanda 2025-nji ýylyň 21-nji aprelinde aradan çykan papa Fransiskiň portretini, parahatlyk kepderisini we Mikelanjelonyň “Adam atanyň ýaradylyşy” suratyndan bir bölegi şekillendirdi.
Sammitde adamzadyň geljegi we emeli aňyň ösüşi ara alnyp maslahatlaşyldy. Pikir alyşma gatnaşanlaryň arasynda Jeffri Hinton, Maks Tegmark, Himena Sofiýa, Wiweros Alwares, Marko Trombetti bardy. Şeýle-de, gatnaşyjylaryň arasynda Black Eyed Peas toparynyň frontmeni, repçi Will.i.am hem bar. Ol 2012-nji ýyldan bäri neýroulgamlar bilen meşgullanýar we FYI.AI tehnologiýa kompaniýasyna ýolbaşçylyk edýär. Ol Watikanyň EA-ny we jemgyýetiň bähbidine tehnologiýalary işläp taýýarlamagyň ähmiýetini ara alyp maslahatlaşmak üçin “howpsuz mesgene” öwrülendigini belledi.
