Kodak Charmera diýlip atlandyrylýan kindiwanja sanly kamera-breloklar satuwa çykdy. Olaryň dizaýny Kodak-yň 1987-nji ýyldaky ilkinji bir gezek ulanylýan kamerasyndan ylham aldy.
Enjam Kodak bilen ygtyýarnama şertnamasy boýunça Reto kompaniýasy tarapyndan öndürilýär.
Model "kör guty" diýilýän formatda goýberilýär: kolleksiýada gizlin dury görnüşi goşmak bilen, ýedi wariant bar. Reňkleri - sary, gyzyl, çal, nagyşly ak, älemgoşar suratly gara we gök.
Kameranyň agramy 30 gram, ölçegi 58 × 24,5 × 20 mm, 35 mm f / 2.4 obýektiw, 1,6 MP-lik datçik bilen enjamlaşdyrylan. Ol 1440 × 1080 durulykda surata we sekuntda 30 kadr tizlikde AVI wideo düşürýär.
1 GB çenli mikro SD kartlary goldaýar, kartasyz diňe birnäçe kadr saklanýar. Enjam kompýutere birikýär we USB-C arkaly zarýad alýar.
Kamerada süzgüçler we Kodak-yň nusgawy suratlarynyň stilinde çarçuwalar bar. Öndüriji ony "islendik suraty kiçijik baýramçylyga öwürýän gyzykly we könäni ýatladýan aksesuar" hökmünde görkezýär.
Diňe bir kameranyň bahasy 29,99 dollar ýa-da tutuş toplumyňky - 179,94 dollar.
