Toyota kompaniýasy Ýaponiýada GR Yaris hetçbegi üçin Aero Performance bukjasyny hödürledi. Toplumy Toyota Gazoo Racing-iň hünärmenleri professional ýaryşa gatnaşyjylar bilen bilelikde işläp taýýarlady, ol modeliň aerodinamiki aýratynlyklaryny gowulandyrmaga gönükdirildi.
Bukjanyň düzümine wentilýasiýaly alýumin kapot, ýokary göteriş güýjüni azaltmak üçin splitter, öňdäki ganatlarda howa kanallary, şeýle-de yzda uly sazlanýan anti-ganat girýär. Ol ýokary tizliklerde we birden tormoz berlende awtomobiliň durnuklylygyny ýokarlandyrýar.
GR Yaris-iň kapotynyň aşagynda 304 at güýjüni berýän (400 Nm) 1,6 litrlik turbo hereketlendirijisi oturdyldy, ol alty basgançakly mehaniki guty ýa-da sekiz basgançakly awtomat bilen işläp bilýär. GR-Four ulgamy ähli tigirler üçin herekete getirijini üpjün edýär. Ulagyň iň ýokary wersiýasy Torsen differensialyny we BBS süýme disklerini hem alar.
Aero Performance bukjasy GR Yaris-iň iki wersiýasy üçin elýeterli bolar – RC we flagman RZ High Performance. Satuw 1-nji oktýabrda başlar. Toplumyň bahasy 495 müň ýena (takmynan, 3 350 dollar) barabar, doly işlenen hetçbegiň bahasy 4,06 mln ýenadan (takmynan, 27,4 müň dollar) başlaýar.
