“Kömelek sazy” bilen geçirilen synaglary boýunça bello bolan, Modern Biology ady bilen tanalýan sazanda Şotlandiýanyň Instruo kompaniýasy bilen bilelikde Pocket Scion atly ykjam sintezatory döretdi. The Verge neşiri enjamyň ösümlikleriň sesini eşitmäge mümkinçilik berýändigini ýazýar.
Pocket Scion-yň esasynda biologiki jogap aragatnaşygyny dolandyryş naprýaženiýesine (CV) öwürýän Scion moduly ýatýar. Bu signal sintezator modullaryny işletmek üçin ulanylýar.
Ses çykarmak üçin ösümlige, kömelege ýa-da adam derisine diňe iki sany sensor dakmak ýeterlik. Zynjyrdaky elektrik yrgyldylary dürli notalary çykaryp ýa-da dört sany dwižogyň kömegi bilen depgini üýtgedip bilýän MIDI maglumatlaryna öwrülýär.
Sintezator MIDI çykyşy bilen enjamlaşdyrylandyr we Windows, macOS we Linux üçin programmalary goldaýar. Bu öz patçileriňi döretmäge mümkinçilik berýär. Şeýle hem, enjam diňe ses programmalaryna däl, eýsem wideo platformalaryna-da - Max / MSP-den we Pure Data-dan başlap, Unreal Motor-a çenli gözegçilik etmäge mümkinçilik berýän Open Sound Control (OSC) protokoly arkaly maglumatlary geçirýär. Şeýlelik bilen, wizualizasiýany we art-installýasiýany döredip bolýar.
Pocket Scion-yň bahasy 149 dollar.
