Amerikaly ýazyjy Den Braun “Syrlaryň syry” (The Secret of Secrets) atly täze romany bilen tanyşdyrdy. Bu onuň dokuz ýyldan soň ilkinji kitabydyr. Eseriň göwrümi takmynan 700 sahypa bolup, ol birbada 16 dilde neşir edilip, satuwa çykdy.
The New York Times gazetiniň habaryna görä, roman professor Robert Lengdon baradaky hekaýaty dowam etdirýär. Bu gezek wakalar Praga şäherinde ýaýbaňlanýar, bu ýerde gahryman syrly guramanyň nyşanasyna öwrülen neýrobiolog söýgülisini halas etmäge synanyşýar.
“Syrlaryň syry” Braunyň sekizinji romanydyr. Kitap boýunça serial çykarmagy meýilleşdirýän Netflix kompaniýasy eser entek neşir edilmänkä ony enranlaşdyrmak hukugyna eýe boldy.
Ondan öň “Da Winçiniň kody”, “Perişdeler we şeýtanlar” we “Inferno” romanlaryna esaslanýan filmler surata düşürilipdi, olarda professor Lengdonyň keşbini Tom Henks ýerine ýetiripdi.
“Da Winçiniň kodunyň” üstünliginden soň, Den Braunyň eserleriniň 250 milliondan gowrak nusgasy satyldy we 56 dile terjime edildi.
