Bütindünýä boks geňeşi (WBC) absolýut çempiony üçin taryhda ilkinji ýüzügi hödürledi. Ol ikinji orta agramda titulyň eýesi meksikaly Saul “Kanelo” Alwares bilen amerikaly Terens Kroufordyň arasyndaky söweşiň ýeňijisine berler.
Söweş 14-nji sentýabrda irden Las-Wegasda geçiriler. Ol WBC-niň, Bütindünýä boks assosiasiýasynyň (WBA Super), Bütindünýa boks guramasynyň (WBO) we Halkara boks federasiýasynyň (IBF) wersiýalary boýunça Alwaresiň titullaryny almak ugrunda bolar.
Ýüzük umumy agramy tas 10 karat bolan daşlar bilen bezeldi we sary altyn bilen çarçuwalandy. Onuň bahasy 100 müň dollar diýlip hasaplanýar. Ýaşyl daşlar ýüzügiň merkezinde WBC-niň guşagyny emele getirýär, üç reňkli gaşlar bolsa WBO-ny, IBF-i we WBA-ny alamatlandyrýar.
Ýüzügiň ýokary bölegi aýrylanda, ring we Krouford hem Kanelonyň familiýalary bilen “Ellijent” stadionynyň “okarasyny” görmek bolýar.
