Mersedes-Benz kompaniýasy Mýunhen awtoulag sergisinde GLC with EQ Technology atly täze elektrik krossoweriniň doly tanyşdyrylyş dabarasyny geçirdi. Ol modeliň adaty wersiýasyna batareýaly alternatiwa bolar we satuwy pes EQC-iň ornuny tutar. Flagman görnüşleriniň birinde täze önüm 713 kilometr energiýa ätiýaçlygyny aldy.
Hatarda ilkinji bolup kuwwaty 489 at güýçli goşa motorly gurnamaly GLC 400 4Matic çykdy. Geljekde bu maşgala bäş modifikasiýa çenli giňeldiler. Elektrikli awtoulag üçin sygymy 94 kWt·s bolan we 10 minutda kuwwat ätiýaçlygyny 300 km-e ýeterlik doldurmaga ukyply batareýa bilen üpjün edilendir.
Awtoulag, ýolsuz ýerlerde sürmek üçin niýetlenen Terrain režimini hem goşmak bilen, bäş sürüş režimi, şeýle hem öwrüm radiusyny azaldýan dolandyrylýan yzky tekerler ulgamy bilen enjamlaşdyrylandyr. Podweskada beýleki Mersedes-Benz awtoulaglarynyň we Google Kartalar nawigasiýasynyň maglumatlary esasynda işleýän, S-Class-yň adaptasiýa amortizatorly pnewmoelementleri ulanylýar.
Salonynyň içi giňeldildi we panoramaly üçegi bar.
Ýokarky wersiýalarynda üç ekrany birleşdirýän 39 dýuým (99,3 sm) Hyperscreen ekrany bar. Esasy komplektasiýasy has tanyş ekranlar toplumyny alar. Burmester akustikasy Dolby Atmos goldawly 4D sesi berer.
Mercedes-Benz Microsoft-yň we Google-yň AI elementli täzelenen MBUX ulgamyny ulandy. Şeýle hem täze oturgyçlar, dürli bezegler we gaýtadan işlenen çig maldan ýasalan materiallar hödürlenýär.
Ýewropada satuwlar indiki ýylyň birinji ýarymynda başlar, soň bolsa model Demirgazyk Amerikada we Ýakyn Gündogarda peýda bolar. Bahasy entek yglan edilmedi.
