Boks boýunça öňki absolýut dünýä çempiony Maýk Taýson X sosial ulgamynda bäş agram derejesinde öňki dünýä çempiony Floýd Meýwezer bilen geljekki söweşi yglan etdi.
Söweşiň geçiriljek ýeri we senesi barada entek maglumat ýok.
Taýson diňe “Tiz wagtdan” diýip, posta wakanyň afişa suratyny goşdy.
Taýson 59 ýaşynda. Ol karýerasynyň dowamynda 59 söweşe gatnaşyp, 50 ýeňiş gazandy, olardan 44-üsi – nokaut bilen. Şeýle-de, ýedi gezek ýeňlişe sezewar boldy, iki söweş hem geçirilmedik diýlip hasaplandy.
Meýwezer 48 ýaşynda. Onuň hasabynda 50 ýeňiş bolup, ýekeje-de ýeňliş ýok.
