Beýik Britaniýada Warranty Solutions Group (WSG) tarapyndan geçirilen gözleg Toyota-nyň iň ygtybarly gibrid ulag öndürijisidigini görkezdi. Gözlegde soňky 12 aýda 20 sany ulanylan meşhur gibrid modeller alnyp, kepillik boýunça müňlerçe ýüz tutmalar seljerildi.
Netijede, Toyota Corolla, Yaris we RAV4-de bellibir döwürde 1000 işjeň müşderiden ulaga bildirilen nägilelikleriň sanyny görkezýän claim rate görkezijisi pes bolup çykdy.
Toyota Corolla reýtingde birinji orny eýeledi: claim rate bary-ýogy 1,32%, bejermegiň ortaça bahasy 80 funt sterling boldy. Ikinji orunda 1,69% claim rate görkezijisi we 462 funt ortaça abatlaýyş bilen Yaris Hybrid ýerleşýär. RAV4 Hybrid-de hem claim rate görkezijisi şeýle, ýöne ortaça abatlaýyş bahasy ýokary – 750 funt.
Ygtybarsyz ulaglaryň hataryna Range Rover we BMW X5 girdi: claim rate 18,65% we 13,21% boldy, ortaça abatlaýyş bahasy – 1100 funtdan gowrak.
Gibrid ulaglarda ýygy-ýygydan – 3,89% ýagdaýda batareýalar bilen bagly näsazlyklar ýüze çykýar, ortaça abatlaýyş 260 funt sterlinge düşýär. Generatorlaryň (1763 funt) we maglumat-dynç alyş ulgamlarynyň (1809 funt) döwülmegi seýrek ýüze çykýar, ýöne olary bejermek hem gymmat bolýar.
