LEGO kompaniýasy “Kapitan Jek Serçäniň garakçylyk gämisi” ady bilen “Karib deňziniň garakçylary” filmi boýunça täze toplum çykardy. Ol 2862 bölekden ybarat bolup, olardan “Gara dür” gämisiniň modelini ýygnap bolýar.
Topluma sekiz heýkeljik goşuldy: kapitan Jek Serçe, Uill Týorner, Elizabet Suonn, Gektor Barbossa, Gibbs, Kotton, Anamariýa w Marti. Her heýkeljigiň ululygy 23 santimetre barabar.
Model 15-nji sentýabrda 379,99 dollar bahadan satuwa çykar.
Mundan öň LEGO “Willi Wonka we şokolad fabrikasy” toplumyny we Garri Potter baradaky filmlerden Hogsmid obasyna bagyşlanan toplumy çykardy.
Kompaniýanyň galtamanlyk temasyna gaýdyp gelmegi “Karib deňziniň garakçylary” filminiň altynjy bölümine taýýarlyk bilen baglanyşykly bolup biler. Prodýuser Jerri Brukhaýmer Jonni Depp bilen aktýoryň kapitan Jek Serçäniň keşbine gaýdyp gelmek mümkinçiligi barada gepleşikleriň geçirilýändigini aýtdy. Geljekki film üçin ssenarini Kreýg Mazin (“The Last of Us”), Ted Elliot we bäşinji bölümiň awtory Jeff Natanson ýazar.
2022-nji ýylda Jonni Depp töhmet baradaky kazyýet işinde hatda uly pula-da bu keşbe gaýdyp gelmejekdigini aýtdy. Şondan bäri ol, esasan, garaşsyz filmlerde surata düşýär.
