ABŞ-nyň Prezident administrasiýasy nusgawy binagärligi federal binalary gurmakda ileri tutulýan stil diýip yglan edýän permany çykardy.
Resminama Making Federal Architecture Beautiful Again (Federal binagärligi ýene ajap edeliň) adyny aldy we Donald Trampyň saýlawdan öňki Make America Great Again (Amerikany ýene beýik edeliň) şygary bilen gabat gelýär.
Permanda Jorj Waşingtonyň we Tomas Jeffersonyň paýtagtyň esasy hökümet binalaryny taslamak üçin Gadymy Gresiýanyň we Rimiň binagärlik nusgalaryna ýüzlenendigi aýdylýar. Şeýle-de, Amerikanyň jemgyýetçilik binalarynyň halka “ylham berip”, demokratiýany alamatlandyrmalydygy bellenilýär.
Şol bir wagtyň özünde, XX asyryň ikinji ýarymynyň binagärligi, hususan-da, brutalizm we dekonstruktiwizm “amerikalylaryň arasynda meşhur däl” we “döwletiň mertebesini we durnuklylygyny” görkezmeýän hökmünde Prezident tarapyndan ýiti tankyda sezewar edildi.
Täze syýasaty durmuşa geçirmek üçin Waşington nusgawy binagärlik boýunça ýörite geňeşçi bellär. Nusgawy däl taslamalara goşmaça barlag garaşýar: olaryň gutarnykly tassyklanmagy Prezidente geçirmek üçin 30 gün togtadylar. Şeýle taslamalaryň awtorlary näme üçin adaty görnüşiň ret edilendigi barada jikme-jik düşündiriş bermeli we olaryň ABŞ-nyň gymmatlyklaryna laýyk gelýändigini subut etmeli bolar.
