Günorta Koreýanyň Milli mejlisi täze okuw ýylyndan mekdep okuwçylary tarapyndan smartfonlaryň we beýleki sanly gurluşlaryň ulanylmagyny çäklendirýän gaýtadan seredilen kanuny tassyklady. Bu barada Yonhap agentligi habar berýär.
Çäklendirme gajetleriň çagalara we ýetginjeklere ýetirip biljek zyýany barada howatyrlanma sebäpli girizilýär.
1-nji martdan başlangyç, orta we uly mekdepleriň okuwçylaryna sapak wagtynda smartfonlary we şuňa meňzeş gurallary ulanmak gadagan edilýär diýlip, Respublikanyň Bilim ministrliginde habar berildi. Belläp geçsek, Günorta Koreýada okuw ýyly köp ýurtlarda bolşy ýaly güýzde däl-de, martda başlaýar.
Ozal 2023-nji ýylyň sentýabryndan ministrlik ykjam elektronikanyň sapaklarda ulanylmagyna çäklendirme girizipdi. Kanuna täze düzedişler bu düzgüneri kanuny derejede berkitmäge gönükdirilendir.
Şol bir wagtyň özünde kanunda kadadan çykma hem göz öňünde tutulýar: gurluşlary maýyp okuwçylara, adatdan daşary ýagdaýlarda ýa-da bilim maksatly ulanmaga rugsat berilýär.
