Google Android üçin programmalary barlamak ulgamyny girizmegi meýilleşdirýär. Bu onuň taryhynda ekoulgamdaky iň uly üýtgeşme bolar.
Indi kepillendirilen enjamlara diňe tassyklanan işläp düzüjileriň programmalary guralyp bilner. “Kepillendirilen” diýlende öňünden guralan Google hyzmatlary bolan ähli Android telefonlary we planşetleri göz öňünde tutulýar.
Ulgamy synag etmeklik 2025-nji ýylyň oktýabr aýynda irki giriş görnüşinde başlanar. 2026-njy ýylyň mart aýyna çenli işläp düzüjiler täzelenen konsola girip bilerler, şol ýerde şahsyýetini tassyklatmaly we gol açarlaryny goşmak bilen, programma maglumatlaryny hasaba aldyrmaly bolarlar. Ony 2026-njy ýylyň sentýabr aýynda Braziliýada, Indoneziýada, Singapurda we Taýlandda işe girizmek meýilleşdirilýär. Eger durmuşa ornaşdyrmak üstünlikli geçse, bu talap 2027-nji ýyla çenli dünýä möçberinde bolar.
Barlamak prosesi Android-iň işläp düzüjisiniň optimallaşdyrylan konsoly arkaly amala aşyrylar. Şahsyýet tassyklanmazdan, programma enjamlaryň köpüsine gurlup bilinmez. Şol bir wagtyň özünde, Google programmalaryň mazmunyny ýa-da işleýşini barlamaz, hut hökmany zat işläp düzüjiniň şahsyýeti bolar.
Kompaniýanyň maglumatlaryna görä, Play Store-nyň daşyndan göçürilen programmalarda zyýanly programma üpjünçiligi 50 esse köp duşýar.
