Honor 1999 ýewrodan inçe Magic V5 eplenýän smartfonynyň global satuwyna başlady

  • düýn 18:04
  • 1.2k+

Honor kompaniýasy dünýäde iň inçe eplenýän smartfon hökmünde mahabatlandyrylýan Magic V5 smartfonynyň global satuwyna başlady. Bir aý ozal ol Hytaýda çykypdy, häzir bolsa Ýewropa ýurtlarynyň birnäçesinde elýeterli boldy.

Ýewropada Magic V5-iň bahasy 1999 ýewrodan, Beýik Britaniýada 1699,99 funt sterlingden başlaýar. Käbir satyjylar aksiýa geçirýär: ilkinji alyjylar sowgat hökmünde simsiz nauşnik ýa-da Honor planşetini alyp biler.
Smartfon dört reňkde çykarylýar – şirmaýy, gara, altyn säher we gyzyl-goňur.
Magic V5 täzelenme ýygylygy 120 Gs bolan iki LTPO ekrany bilen üpjün edildi. Esasy eplenýän displeýiň diagonaly 7,95 dýuýma we durulygy 2352 × 2172 piksele, daşarky ekranyňky 6,43 dýuýma we durulygy 2376 × 1060 piksele barabar. Smartfon IP58 we IP59 ülňüleri boýunça suwdan we tozandan goralýar.
Smartfon Snapdragon 8 Elite prosessorynda işleýär. 12 ýa-da 16 GB operatiw ýatly we 256, 512 ýa-da 1024 GB hemişelik ýatly wersiýalar elýeterli. Esasy kamera 50 Mp esasy sensordan, 50 Mp giňburçly moduldan we 64 Mp teleobýektiwden ybarat. Her ekranda 20 Mp frontal kamera bar.
Global wersiýa 66 Wt simli we 50 Wt simsiz zarýad alyş bilen 5280 mA/sag sygymly akkumulýatora eýe boldy. Şirmaýy reňkli smartfonyň ýogynlygy ýygnalan görnüşde 8,8 mm (galan reňklerde – 9 mm), agramy 217 grama barabar.

düýn 18:22
1.1k+

Azerbaýjanda oktýabr aýynda Türkmenistanyň Medeniýet günleri geçiriler

2025-nji ýylyň oktýabr aýynda Azerbaýjanda Türkmenistanyň Medeniýet günleri geçiriler. Bu barada Trend agentligi habar berýär. Çäreler iki ýurduň arasyndaky ynsanperwer we medeni hyzmatdaşlygyň çäginde guralyp, halklaryň arasyndaky dostlugy hem-de özara düşünişmegi berkitmekde möhüm waka bolar...

düýn 18:10
447

Microsoft ilkinji hususy EA modellerini görkezdi: biri sözleýiş, beýlekisi tekst döredýär

Microsoft ilkinji gezek özüniň emeli aň modellerini hödürledi. Mundan öň kompaniýa, esasan, OpenAI-iň çözgütlerini ulanyp, olary Azure infrastrukturasyna we Copilot önümlerine goşýardy. Indi bolsa onuň öz ulgamlary – MAI-Voice-1 we MAI-1-preview bar...

düýn 18:08
1.3k+

Huawei tizerde üç eplenýän Mate XTs smartfonyny resmi tanyşdyryşdan öň görkezdi

Huawei kompaniýasy ikinji nesil Mate XTs eplenýän smartfonynyň tizerini görkezdi. Onuň resmi tanyşdyrylyşy 4-nji sentýabrda Şençžende bolar. Täze smartfon öňki modeliň dizaýnynyň esasy elementlerini: digir-digir çarçuwany, sekizburç kamera bloguny we S şekilli eplenmäni saklar (şarnirleriň biri ekrany daşyna, beýlekisi içine epleýär)...

düýn 13:29
2.5k+

Google Translate-e dil öwrenmek funksiýasy goşuldy: ol nähili işleýär?

Google resmi taýdan emeli aňyň esasynda Google Translate-e iki täze funksiýany goşdy: hakyky wagtda janly terjime guraly we dil öwrenmek boýunça şahsylaşdyrylan ulgam. Indi hyzmaty diňe bir terjime üçin däl, eýsem eşidiş we sözleýiş tejribesi üçin hem ulanmak bolýar...