Google resmi taýdan emeli aňyň esasynda Google Translate-e iki täze funksiýany goşdy: hakyky wagtda janly terjime guraly we dil öwrenmek boýunça şahsylaşdyrylan ulgam.
Indi hyzmaty diňe bir terjime üçin däl, eýsem eşidiş we sözleýiş tejribesi üçin hem ulanmak bolýar. Ulgam awtomatik taýdan ulanyjynyň derejesini we maksatlaryny kesgitleýär, soňra onuň sözleri kabul edişini we gürleýşini türgenleşdirmek üçin aýratyn ssenariýalary taýýarlaýar.
Başlamak üçin ulanyja öz dil derejesini we öwrenmeginiň maksadyny görkezmek gerek. Şondan soň Google Translate şahsylaşdyrylan gönükmeleri teklip eder. Olarda söhbetdeşlikleri diňlemek we eşiden sözleriňi saýlamak ýa-da emeli aňyň kömek etmeginde sözleýşi türgenleşdirmek bolýar.
