Ýarym orta agramda UFC-niň çempiony, awstraliýaly Jek Della Maddalena (18-2) bilen ýeňil agramda promouşeniň öňki çempiony, russiýaly Islam Mahaçewiň (27-1) arasyndaky titul söweşi UFC 322 ýaryşynyň esasy wakasy bolar. Bu barada söweş guramasynyň metbugat gullugy habar berdi.
Söweş 2025-nji ýylyň 16-njy noýabrynda Nýu-Ýorkdaky “Medison-skwer-gardende” geçiriler.
Öň, Mahaçew täze agram derejesinde çykyş etmek üçin ýeňil agramda çempion guşagyndan ýüz öwürdi. Onuň soňky söweşi 2025-nji ýylyň ýanwarynda boldy. Şonda ol ýeňil agramda tituly goramagyň çäklerinde braziliýaly Renato Moýkanony ýeňip, söweşi sabmişen bilen tamamlady.
Şeýle-de, UFC 322 ýaryşynyň çäklerinde zenanlaryň arasynda iň ýeňil agramda çempion tituly ugrunda Gyrgyzystanyň wekili Walentina Şewçenko (25-4-1) bilen hytaýly Weýli Çžan (26-3) söweşer. Şol gün agşam öňki çempion Leon Edwards hem (22-5) braziliýaly Karlus Prates (22-7) bilen duşuşar.
Ýaryşyň doly sanawy gijräk belli bolar.
