Häzirki günde dünýäde iň ýokary IQ-sy bolan adamlar atlandyryldy

  • düýn 19:50
  • 2.6k+

Adamlarda aň koeffisientiniň (IQ) hasaba alnan iň ýokary görkezijileri 200-den 250 bala ýetýär. BBC Science Focus žurnaly häzirki adamlaryň arasynda kimde iň ýokary derejäniň hasaba alnandygy barada maglumatlary  hödürledi.

IQ mesele çözmek başarnyklaryny, ýady we beýleki kognitiw funksiýalary barlaýan standartlaşdyrylan testler arkaly aň ukyplaryna baha bermek üçin ulanylýar. IQ-nyň ortaça derejesi 100 bal bolup, bu aýratyn görkezijileri dünýä ilatynyň görkezijileri bilen deňeşdirmäge mümkinçilik berýär. 85-den aşaky netijeler pes, 130 we ondan ýokary netijeler bolsa ýokary hasaplanýar.
Bellenilişi ýaly, aň synaglarynyň netijeleri, köplenç, nädogry düşündirilýär. IQ absolýut birlik däl: 100 bilen 130 balyň arasyndaky tapawut 30% artykmaçlygy aňlatmaýar. IQ-nyň ýokary çägi teoretiki taýdan kesgitlenmedik.
Häzirki döwrüň öňdebaryjylarynyň arasynda “Matematikanyň Mosarty” hökmünde tanalýan Terens Tao bar. Onuň IQ-sy 225-den 230 aralygynda diýlip hasaplanýar. Ol uniwersitet matematikasyny dokuz ýaşynda öwrenip başlady, 16 ýaşynda bolsa Prinstonda doktorlyk dissertasiýasyna girişdi. 24 ýaşynda Los-Anjelesdäki Kaliforniýa uniwersitetiniň professory bolup, bu ada mynasyp bolan iň ýaş alym boldy. 2021-nji ýylda Prezident Jo Baýdeniň ylym we tehnologiýa boýunça Geňeşçiler maslahatynyň agzasy boldy.
Tao 18 kitap we 300-den gowrak ylmy iş çap etdi.
Amerikaly ýazyjy, dramaturg we žurnalist Merilin wos Sawant 1986-njy ýyldan 1989-njy ýyl aralygynda iň ýokary IQ-nyň (228) eýesi hökmünde Ginnesiň rekordlar kitabyna girizildi. 1990-njy ýylda rekord şeýle ölçegleriň ygtybarsyz hasaplanmagy sebäpli ýatyryldy. Onuň Ýer ýüzünde iň akylly adam ýa-da zehindigi baradaky tassyklama jedeliň predmetine öwrüldi, çünki adamyň näderejede akyllydygyny kesgitlemäge mümkinçilik berýän umumy ykrar edilen usul ýok. Wos Sawantyň özi aňyň köp sanly komponentlerden ybaratdygyny, şonuň üçin ony ölçemek synanyşygynyň manysyzdygyny nygtaýar.
IQ synagynyň takyklygy günüň wagtyna, synagdan geçirilýän adamyň dartgynlylyk derejesine we ýaşyna bagly bolýar. Ylmy gözlegler ýetginjeklik ýaşyndaky çagalaryň netijeleriniň gaýtadan barlananda 9 bal peselip biljekdigini görkezdi.

düýn 20:04
3.1k+

Apple iPhone 17 çykandan soň iPhone-yň dört modeliniň satuwyny bes eder

Täze iPhone 17 çykandan soň, Apple dört sany smartfon modelini öndürmegi we satmagy bes eder diýip, 9to5Mac habar berýär. Neşiriň habaryna görä, Apple iPhone 15-i we iPhone 15 Plus-y öndürmegi bes eder. Bu modeller üçünji tarap satyjylarynda satylyp bilner, ýöne olar kompaniýanyň resmi dükanlarynda bolmaz...

düýn 20:00
1.2k+

Samsung Galaxy S25 FE smartfonynyň we Tab S11 planşetleriniň tanyşdyrylyş senesini aýtdy

Samsung nobatdaky Galaxy Event çäresiniň 2025-nji ýylyň 4-nji sentýabrynda geçiriljekdigini yglan etdi. Tanyşdyrylyş onlaýn geçer we kompaniýanyň resmi saýtynda hem YouTube kanalynda UTC boýunça 9:30-da (Aşgabat wagty bilen 14:30) ýaýlyma berler...

düýn 19:57
582

“Keý-pop melgun awçylary” Netflix-iň iň köp tomaşa edilýän filmi boldy

Täze animasion film “Keý-pop melgun awçylary” (KPop Demon Hunters) Netflix amerikan platformasynyň taryhynda iň meşhur taslama boldy. Kompaniýanyň maglumatlaryna görä, Sony Pictures Animation bilen hyzmatdaşlykda döredilen multfilm eýýäm 236 milliondan gowrak tomaşa ýygnady...

düýn 19:56
4.6k+

Hytaýda soňky 30 ýylda ilkinji gezek dýugon göründi: bu jandar ýitip giden hasaplanypdy

Hytaýda Günorta-Hytaý deňziniň Nanşa arhipelagyndaky Ýunşu rifiniň töwereginde 2022-nji ýylda ýurtda resmi taýdan ýitip giden diýlip ykrar edilen suw süýdemdirijileriniň bir görnüşi – dýugon göründi. Bu barada China Daily habar berýär...