Hyundai kompaniýasy Awstraliýanyň bazary üçin täzelenen Tucson we Santa Fe 2026 krossowerlerini hödürledi. Iki ulaga hem adaty açara derek iPhone ýa-da Apple Watch ulanmaga mümkinçilik berýän Digital Key 2 sanly açar goşuldy.
Hyundai Tucson kuzowyň täze Ecotronic Gray reňkini we kämilleşdirilen teker diskalaryny aldy. Şol bir wagtyň özünde bahalary hem arzanlady: 2.0 MPI hereketlendirijisi bolan esasy wersiýa indi 24,7 müň dollar durýar, bu komplektasiýasyna baglylykda 650-1600 dollar arzan diýmekdir. Gibrid wersiýasynyň bahasy 27,5 müň dollardan, iň ýokary Premium wersiýasy - 37,6 müň dollardan başlap hödürlenýär.
Hyundai Santa Fe-niň bahasy, tersine, tutuş hatarda birneme ýokarlandy (takmynan 260 dollar gymmatlady). Indi iň pes bahasy 34,500 dollar, iň ýokary derejeli Calligraphy AWD Gibrid wersiýasynyň iň ýokary bahasy 49,800 dollara ýetýär.
