Sýerra-Madre daglarynyň etegindäki Guadalupe şäherçesinde geçirilen La Discada festiwalynda meksikaly aşpezler Ginnesiň birbada üç rekordyny goýdy. Olar bir sagatda hödür edilen iň köp tako, iň uly gowrulan tagam we iň uly saç üçin hasaba alyndy.
Tagamy taýýarlamak üçin guramaçylar we şäherçäniň administrasiýasy 12 günläp 7,3 metr diametrli ýörite saç gurdy. Onda Meksikanyň demirgazygynda şöhlatdan, sygyr etinden, doňuz etinden, bekondan, pomidordan, burçdan, sogandan we piwodan ybarat bolup, doňuz ýagynda taýýarlanýan däp bolan tagam – diskada gowruldy.
Aşpezlik bilim edaralaryndan ýüzden gowrak okuwçy tagamy taýýarlamaga kömek etdi. Iş 3 sagat 40 minut wagt aldy. Tagamyň umumy agramy 2509 kilogram boldy. Agramy çekilenden soň taýýar tagam tortilýa paýlanyp, tako edildi. Myhmanlara bir sagatda rekord 13 215 tako hödürlendi.
Ähli paýlar diýen ýaly 10 müň myhman tarapyndan iýildi. Galanlary ýerli haýyr-sahawat guramalaryna we çagalar öýlerine berildi.
