Ford 2026-njy ýylyň modeli üçin täze Active Base atly başlangyç wersiýany hödürläp, Explorer ulaglarynyň hataryny giňeltdi. Ol krossoweriň iň amatly bahaly görnüşi bolup, 38 330 dollardan satuwa çykarylar. Bu bolsa 2025-nji ýylyň Active komplektasiýasyndan 1 720 dollar arzan.
Active Base enjamlaşdyryş taýdan ýönekeý görnüşde çykýar. Ýük bölüminiň gapysy indi elektrik däl, eliň bilen açylýar, gapdal aýnalar hem eliň bilen ýygnalýar we mat gara reňkde boýalýar. Sürüjiniň oturgyjy 6 ugurda, ýolagçy oturgyçlary bolsa 4 ugurda sazlanýar, ýöne bildäki elektrik goldawy ýok.
Salonda ýyladyşsyz winil rul ulanylýar, öň oturgyçlaryň gyzdyrylyşy we işjeň ses basyş ulgamy ýok. Ýolagçylar üçin diňe 1-nji we 2-nji hatarda USB portlary bar.
Üýtgeşmeler beýleki Explorer 2026 wersiýalaryna hem degişlidir. Panoramaly Vista Roof üçegi berk aýna bilen çalşyryldy, Ultimate paketi bolsa indi hödürlenmeýär. 3.0 EcoBoost V6 motory ST wersiýasynda saklanyp galdy we indi täze Tremor görnüşi üçin goşmaça mümkinçilik hökmünde hödürlenýär.
